Nederlands

Seminario i Tayer Internashonal di Sustainable Development Goals

 Seminario i Tayer Internashonal di Sustainable Development Goals

Dia 25 di sèptèmber 2015, Asamblea General di Nashonnan Uní a fiha Agènda 2030 pa 'Sustainable Development Goals (SDG)'. E agènda akí ta kontené diesshete SDG, manera eradikashon di pobresa i konsumo/produkshon duradero. E estadonan miembro, inkluso Hulanda, mester sòru implementá e SDGnan den nan respektivo paisnan. Kòrsou tambe a adoptá Agènda 2030.

Ròl di e diferente kontralorianan ta di hasi investigashon riba implementashon di e SDGnan. 'International Organisation of Supreme Audit Institutions (INTOSAI)' i 'Organización Latinoamericana y del Caribe de Entidades Fiscalizadoras Superiores (OLACEFS)' ta guia e kontralorianan den e aspekto akí. Den e kuadro akí, Kontraloria General di Kòrsou a partisipá na e di dos seminario tokante SDG na 2017.

E seminario a tuma lugá na Chile, di 23 te ku 25 di òktober 2017, i a trata diferente tema manera supervishon di entidat di gobièrnu i e lucha kontra korupshon. E kontralorianan di Argentina, Bolivia, Brazil, Chile, Colombia, Costa Rica, Cuba, Ecuador, Guatemala, Mexico, Nicaragua, Paraguay, Peru i Uruguay tambe tabatin representante ku a partisipá.

Pareu ku e seminario, e representantenan menshoná ariba a partisipá na un tayer. Den e tayer akí, a duna e partisipantenan sierto instrumentonan ku nan por usa pa investigá implementashon di e SDGnan. Kontraloria General di Kòrsou lo usa e konosementu atkerí, na momento di investigá kon gobièrnu ta implementá e SDGnan. 

Galeria di portrèt