Nederlands

Evaluashon di proyekto pa mehorá enbolbimentu di stakeholders

 Evaluashon di proyekto pa mehorá enbolbimentu di stakeholders

E proyekto ‘SAIs Engaging with Stakeholders (SES)’ a keda inisiá na aña 2017 pa 'INTOSAI Development Initiative (IDI)'. E meta di e proyekto aki ta pa krea un impakto mas grandi ku ouditorio, pa medio di un relashon efektivo ku stakeholdernan. Di djamars 20 te ku djabièrnè 23 di ougùstùs 2019 tres representante di Kontrolaria a partisipá na e seshon di evaluashon di e proyekto aki na Pretoria, Sur Afrika. Tur e seshonnan ku tabatin pa e proyekto SES a wòrdu di spònser pa IDI.

Na e seshon di evaluashon aki a partisipá representante di binti kontraloria, di kua diesdos ta miembro di 'African Organization of Supreme Audit Institutions from English-speaking African countries (AFROSAI-E)' i ocho ta miembro di 'Caribbean Organisation of Supreme Audit Institutions (CAROSAI)'.

Durante e kuater dianan, e representantenan a duna un presentashon kòrtiku tokante kon nan a avansá den implementashon di nan SES strategia. Ademas e representantenan a evaluá e proyekto SES den su totalidat. Tambe e representantenan a kompartí den grupo kua ta e desafionan ku nan a kontra durante implementashon di nan SES strategia. Asina e miembronan di e gruponan por a pensa posibel solushon pa e desafionan topá.

E tabata un seshon informativo i Kontraloria ta ehekutando su mes SES strategia.