Nederlands

Kolegionan Superior di Estado i Konseho Sosial Ekonómiko di Kòrsou ta estrechá lasonan di trabou

 Kolegionan Superior di Estado i Konseho Sosial Ekonómiko di Kòrsou ta estrechá lasonan di trabou

Riba djaweps 24 di mei 2018 e representantenan di e Kolegionan Superior di Estado i di Konseho Sosial Ekonómiko (SER) di Kòrsou a bini huntu den sala di reunion di Kontraloria General di Kòrsou na Ansinghstraat pa konkretisá kon pa sigui estrechá nan lasonan di trabou.

Na e reunion a partisipá entre otro Sekretario di Kontraloria General señora S. Cathalina, Defensor di Pueblo señor K. Concincion, Sekretario di Konseho Konsultativo señora C. Raphaëla i Direktor/Sekretario General di SER señor R. Henriquez. E reunion aki a tuma lugá den un esfera ameno. Durante e reunion a interkambiá di pensamentu tokante tópikonan manera: maneho propio di finansas i di personal, fortifikashon di nan posishon independiente den sistema gubernamental di Kòrsou i kon pa huntu bini ku programanan pa trein i otro aktividatnan.

E representantenan di e Kolegionan Superior di Estado i di SER a kumbiní pa di awor en adelante bini kuater biaha pa aña huntu riba un sistema rotativo pa deliberá riba temanan di interes komun i tambe pa interkambiá konosementu i eksperensia.

E próksimo enkuentro lo tuma lugá den luna di ougùstùs binidero.

Riba e portrèt partisipantenan na e reunion. Di robes pa drechi: señor R. Trenidad (Ofisina di Defensor di Pueblo), señor K. Concincion (Defensor di Pueblo), señor R. Henriquez (Direktor/Sekretario General SER), señora L. Hart (Kontraloria General), señora S. Cathalina (Sekretario Kontraloria General), señora C. Raphaëla (Sekretario di Konseho Konsultativo), señora M. Sboui-Racamy (Ofisina di Sekretariado SER/ROA/GOA) i señora J. Seedorf (Konseho Konsultativo).