Nederlands

Parallel Procurement Audit CAROSAI 2017

 Parallel Procurement Audit CAROSAI 2017

Na yüli di 2016, 'Caribbean Organisation of Supreme Audit Institutions (CAROSAI)' a tene un enkuesta pa fiha e mandato, nesesidat- i prioridatnan di su miembronan. Un nesesidat esensial ku e diessinku kontralorianan a ekspresá ta di haña mas ekspertisio riba tereno di Procurement Audit. Pues, direktiva di CAROSAI a prepará un procurement audit ku e diferente miembronan por a ehekutá paralelamente. Huntu ku Banko Mundial i 'Inter-American Development Bank (IDB)', CAROSAI ta sirbi komo guia durante e audit akí.

Kontraloria General di Kòrsou tambe ta partisipá na e procurement audit paralelo akí. Den e kuadro ei, Kontraloria ta investigando legalidat di e proseso di kontratashon públiko di diferente kontrato ku Ministerio di Tráfiko, Transporte i Planifikashon Urbano (VV&RP) a otorgá pa algun trabou infrastruktural. 

E programa a start ku un tayer na Jamaica ku a tuma lugá di djaluna 29 di mei te ku djabièrnè 2 di yüni 2017. Den e tayer, a duna e partisipantenan diferente instrumento ku nan por usa pa plania, ehekutá i traha informe di e investigashon, konforme e normanan fihá den 'International Standards of Supreme Audit Institutions (ISSAI)'. Planifikashon i ehekushon di e ouditoria ta bou di maneho di algun fasilitadó regional entrená di 'INTOSAI Development Initiative (IDI)', i ta hasi uso di un plataforma di eLearning ku IDI a desaroyá pa CAROSAI.

Meta prinsipal di CAROSAI ta di promové kolaborashon i interkambio di idea, eksperensia i ‘best practice’ entre su miembronan. Mas di CAROSAI.