Nederlands

Bishita di trabou di Gobernador

 Bishita di trabou di Gobernador

Djárason 26 di òktober 2016, Gobernador a hasi un bishita di trabou na Kontraloria General di Kòrsou. Na e okashon ei, a trata diferente tema ku Kolegio di Kontraloria, entre otro e resultadonan di 2015 i 2016, e plannan pa 2017 i e kolaborashon internashonal i regional ku organisashonnan di Kontraloria manera INTOSAI, CAROSAI i OLACEFS. Tambe a papia riba e diferente proyektonan di digitalisashon ku Kontraloria tin andando, e sistema pa garantisá kalidat, i e proyekto 'International Standards for Supreme Audit Institutions (ISSAI)'. E proyekto akí lo mester hiba Kontraloria general na kumpli ku e normanan internashonal fihá pa Kontraloria, algu ku lo kontribuí pa subi kalidat di nos produktonan asta mas.

Ademas, Gobernador a sera konosí ku e personal i interkambiá pensamentu ku nan, entre otro riba algun di e investigashonnan ku tin andando.

Tantu Kolegio komo personal di Kontraloria a sinti nan mashá onra ku e bishita di Gobernador.

Galeria di portrèt